जलालखेडा येथे मकर संक्रांती निमित्य हळदीकुंकू व महिला मेळावा संपन्न
प्रतिनिधी साजिद पठान नागपुर
नरखेड:जलालखेडा येथे अखिल भारतीय गुरुदेव सेवा मंडळ शाखा जलालखेडा मकर संक्रात च्या पावन पर्वावर महिला मेळावा व हळदीकुंकू कार्यक्रमाचे आयोजन करण्यात आले होते.या कार्यक्रमाच्या अध्यक्षा म्हणून ग्रामगीताचार्य ज्योती वामनराव बन्सोड होत्या.अखिल भारतीय गुरुदेव सेवामंडळ नागपूर,येथिल बाबाराव पाटील अध्यक्ष गुरुदेव सेवामंडळ नागपूर,स्नेहल भूते,गुरुदेव सेवा मंडळ नरखेड तालुका अध्यक्ष डॉ.अर्चना कळंबे,ग्रामगीताचार्य सौभाकडे ताई,कवयित्री मंजुशा कौटकर,पुनम शेटीये मॅडम ही मंडळी प्रमुख अतिथी म्हणून उपस्थित होते.गुरुदेव सेवामंडळाचे अध्यक्ष प्रेमनारायण चौधरी यांनी कार्यक्रमाचे प्रास्ताविक केले.गुरुदेव सेवामंडळाचे कार्य वत्यांनी राबलेले सुंदर उपक्रम म्हणजे राष्ट्रसंताच्या विचारांचा प्रचार प्रसार करून जनजागृती करणे गावं स्वच्छाता मोहीम राबविणे दररोज सामुदायिक प्रार्थनेतून मुलांवर ग्रामगीतेच्या आदर्श विचारातून सुसंस्कार घडवणे.मुलांना तबला,हार्मोनियम,टाळ,मृदुंग वाजविण्याची कला शिकवण इतर कार्यक्रम डॉ.अर्चनाताई कळंबे यांनी मार्गदर्शनातून. ही माहिती दिली गुरुदेव सेवामंडळाच्या महिलांनी ग्रामगीतेतून भारूड, दारूबंदी नाटीका,गोंडी गीतातून अंध श्रध्दा निर्मुलन व व्यसनमुक्त समाज जागृती केली.चित्रपट अभिनेते जितूभाऊ शेटीये यांनी आपली कला कशी सादर करायची याचे मार्गदर्शन केले.यानंतर हळदी कुंकू,भेटवस्तू देऊन प्रत्येक महिलेचा सन्मान करण्यात आला.नागपूर जिल्हा प्रमुख अखिल भारतीय गुरुदेव सेवा मंडळ नागपूर बाबाराव पाटील यांनी महिलांना मार्गदर्शन केले.ग्रामगीता चार्या.ज्योती बन्सोड यांनी महिलांनी सक्षम होऊन स्वतःचा,कुंटूंबा चा, समाजाचा,गावाचा व पर्यायाने राष्ट्राचा विकास करण्यासाठी कसे कार्य हाती घेता येईन यासाठी ग्रामगीतेतील मौल्यवान विचार प्रगट केले.डॉ. अर्चना कळंबे यांनी सांगितले.सुत्रसंचालन डॉ.कळंबे मॅडम यांनी केले सौ.खुटाटे यांनी आभार प्रदर्शन केले. हा कार्यक्रम यशस्वी करण्यासाठी जलालखेडा येथिल गुरुदेव सेवा मंडळ चे कार्यकर्ते व गावातील स्त्री पुरुषांनी अथक परिश्रम घेतले.
